ଆଣ୍ଠୁଗଣ୍ଠି ଯନ୍ତ୍ରଣା ଏବେ ପିଲାଙ୍କଠୁ ନେଇ ବୟସ୍କ ପ୍ରତ୍ୟେକଙ୍କ କ୍ଷେତ୍ରରେ ଦେଖୁବାକୁ ମିଳୁଛି । ଏହାର ପ୍ରମୁଖ କାରଣ ଶରୀରରେ ପୋଷକ ତତ୍ତ୍ୱର ଅଭାବ। ଏହାଦ୍ୱାରା ଅସ୍ଥି ସବୁ ଦୁର୍ବଳ ହୋଇଯାଏ ଏବଂ ଯନ୍ତ୍ରଣା ସୃଷ୍ଟିହୁଏ । ଯଦି ସଠିକ୍ ଢଙ୍ଗରେ ଆଣ୍ଠୁ ଯନ୍ତ୍ରଣାର ଉପଶମ କରାନଯାଏ, ତେବେ ଏହା ଭୟଙ୍କର ରୂପ ନେଇଥାଏ ।
ତେଣୁ ଏଥିରୁ ଆରାମ ପାଇବାକୁ ଚାହୁଁଥିଲେ ଜଡ଼ା ତେଲ ବେଶ୍ ଉପକାରୀ। ମହଙ୍ଗା ଔଷଧ ସେବନଠାରୁ ବି ଏହା ବିଶେଷ ଫଳପ୍ରଦ। ଏଥିପାଇଁ ପ୍ରଥମେ ଉଷୁମ ଜଡ଼ାତେଲ ଯନ୍ତ୍ରଣା ସ୍ଥାନରେ ମାଲିସ୍ କରିବାକୁ ପଡ଼େ । ପରେ ଗରମ ପାଣିରେ କପଡ଼ା ଭିଜାଇ ଉକ୍ତ ସ୍ଥାନରେ ସେକ ଦେଲେ ଯନ୍ତ୍ରଣାରୁ ଲାଘବ ମିଳେ।
ଏହି ତେଲ ବ୍ୟବହାର ଦ୍ବାରା ଶରୀରରେ ପ୍ରାକୃତିକ ରୂପରେ ଲିମ୍ଫୋସାଇଟ୍ର ସଂଖ୍ୟା ବୃଦ୍ଧିପାଏ । ଲିମ୍ଫୋସାଇଟ୍ ରୋଗପ୍ରତିରୋଧକ କ୍ଷମତା ବଢ଼ାଇଥାଏ। ଏହା ପୁରୁଣା କ୍ଷତ ଏବଂ ଯନ୍ତ୍ରଣାକୁ ଲାଘବ କରିବାରେ ସହାୟକ ହୋଇଥାଏ।